جنیوا: عالمی ادارہ صحت (ڈبلیو ایچ او) نے جمہوریہ کانگو میں ایبولا وائرس کی وبا کے دوران ویکسین کے پہلے کلینیکل ٹرائل کے آغاز کا اعلان کیا ہے۔ ڈبلیو ایچ او کے ڈائریکٹر جنرل ٹیڈروس اذہانوم گیبریسس نے جمعہ کو سوشل میڈیا پر بتایا کہ ٹرائل کے شرکاء کو ایروبو ویکسین لگائی گئی ہے۔
یہ ویکسینیشن وبا کے مرکز، کانگو کے شمال مشرقی صوبے ایتوری کے دارالحکومت بونیا میں کی گئی۔ اس ٹرائل کو تمینی ٹرائل کا نام دیا گیا ہے اور یہ اس وبا کے دوران ویکسین کی جانچ کا پہلا باقاعدہ طبی تجربہ ہے۔
ایبولا ایک مہلک وائرل بیماری ہے جو متاثرہ شخص کے جسمانی رطوبتوں سے رابطے کے ذریعے پھیلتی ہے۔ اس سے پہلے کانگو میں مئی سے جاری وبا کے دوران متعدد کیسز سامنے آ چکے ہیں، اور پڑوسی ممالک میں بھی احتیاطی تدابیر اختیار کی جا رہی ہیں۔
عالمی ماہرین صحت کا کہنا ہے کہ ویکسین کے ٹرائل کا آغاز وبا پر قابو پانے کی کوششوں میں ایک اہم پیش رفت ہے۔ ٹرائل کے نتائج سے نہ صرف موجودہ وبا بلکہ مستقبل میں ایبولا کے خلاف عالمی تیاریوں کو بھی تقویت ملے گی.
No comments:
Post a Comment