کشیدگی کم کرنے کی کوشش، سعودی عرب، ترکیہ اور پاکستان کے اعلیٰ حکام کی تہران میں ایرانی قیادت سے ملاقات

تہران: مشرق وسطیٰ میں جنگ کے دوبارہ بھڑک اٹھنے کے خدشات کے درمیان سعودی عرب، ترکیہ اور پاکستان کے اعلیٰ حکام نے پیر کو ایران کے دارالحکومت تہران میں ایرانی قیادت سے اہم مذاکرات کیے۔ ایران نے مذاکرات کو بہت اچھا قرار دیا ہے۔ وفد میں سعودی وزیر دفاع شہزادہ خالد بن سلمان، پاکستان کے آرمی چیف جنرل سید عاصم منیر اور ترکیہ کے انٹیلی جنس چیف ابراہیم کالن شامل تھے۔ تینوں ممالک کے وفود نے ایرانی صدر مسعود پزشکیان، وزیر خارجہ عباس عراقچی اور قومی سلامتی کونسل کے سربراہ محسن رضائی سے ملاقات کی۔ یہ اگست میں مکہ میں دفاعی اتحاد قائم ہونے کے بعد تینوں ممالک کا تہران کا پہلا مشترکہ دورہ تھا۔ سعودی وزارت خارجہ کے مطابق بات چیت کا مقصد موجودہ بحران میں فریقوں کے درمیان کشیدگی کم کرنا تھا، جبکہ امریکہ، ایران اور اسرائیل کی طرف سے بھی خبردار کیا گیا ہے کہ لڑائی دوبارہ شروع ہو سکتی ہے۔ مذاکرات کے بعد کوئی ٹھوس اعلان سامنے نہیں آیا، تاہم فریقوں نے بات چیت جاری رکھنے پر اتفاق کیا۔ ایرانی سیکیورٹی چیف محسن رضائی نے کہا کہ مذاکرات میں بہت مثبت ماحول دیکھنے میں آیا اور خطے کی سلامتی کا انتظام خطے کے ممالک کو خود کرنا چاہیے۔