ٹرمپ: مذاکرات جاری رہے تو ایران پر نئے حملے انتہائی غیر ممکن

واشنگٹن: امریکی صدر ڈونلڈ ٹرمپ نے کہا ہے کہ جب تک ایران کے ساتھ مذاکرات میں پیش رفت جاری ہے، ایران پر نئے امریکی حملوں کا امکان انتہائی کم ہے۔ صدر ٹرمپ نے یہ بات صحافیوں سے گفتگو میں کہی۔

امریکی صدر نے بتایا کہ وہ پیر کو قطر کے وزیراعظم سے ملاقات کریں گے۔ قطر ایران کے ساتھ مذاکرات میں اہم ثالث کا کردار ادا کر رہا ہے اور نئی تجاویز پر بات چیت جاری ہے۔

اس سے قبل امریکی وزیرِ خارجہ مارکو روبیو نے کہا تھا کہ ایران کے خلاف جنگ اگرچہ "ضروری نہیں کہ مقبول ہو" لیکن ایران کے جوہری عزائم کو روکنے کے لیے ضروری تھی۔ ادھر قطری ثالثوں نے بھی تہران میں مذاکرات کی بحالی کی کوششیں تیز کر دی ہیں۔

صدر ٹرمپ کے بیان کے بعد عالمی منڈی میں تیل کی قیمتوں میں کمی دیکھی گئی۔ برینٹ خام تیل 98 ڈالر فی بیرل سے نیچے آ گیا، جس سے توانائی کی قیمتوں پر دباؤ کم ہونے کی امید پیدا ہوئی ہے۔