وفاقی حکومت نے اکتوبر 21 کے لیے پٹرول کی قیمت میں 88 پیسے اور ہائی اسپیڈ ڈیزل کی قیمت میں 53 پیسے فی لیٹر اضافہ کر دیا ہے۔ پیٹرولیم ڈویژن کے جاری کردہ نوٹیفکیشن کے مطابق اب پٹرول 382.02 روپے فی لیٹر اور ڈیزل 389.80 روپے فی لیٹر میں دستیاب ہو گا۔
یہ اضافہ اس سے ایک روز قبل پٹرول پر 5.16 روپے اور ڈیزل پر 7.69 روپے فی لیٹر کمی کے بالکل برعکس ہوا ہے۔ حکومت 17 جولائی سے یومیہ قیمتوں کا نیا نظام لاگو کر چکی ہے جس کے تحت آئل اینڈ گیس ریگولیٹری اتھارٹی عالمی منڈی کی گزشتہ سات روز کی اوسط قیمتوں کی بنیاد پر روزانہ قیمتیں طے کرتی ہے۔
وزارت پٹرولیم کا کہنا ہے کہ یہ قدم بین الاقوامی تیل منڈی میں جاری غیر یقینی صورتحال اور مشرق وسطی میں کشیدگی کی وجہ سے اٹھایا گیا ہے۔ یاد رہے کہ 13 ستمبر کو وزیر اعظم شہباز شریف نے کم آمدنی والے صارفین کے لیے خصوصی ریلیف اسکیم کا اعلان کیا تھا جس کے تحت موٹر سائیکلوں، رکشوں اور 800 سی سی تک کی کاروں کو 100 روپے فی لیٹر کی رعایت دی گئی ہے۔
No comments:
Post a Comment