چین کے علاقے تبت میں آنے والے 7.0 شدت کے زلزلے سے کم از کم 16 افراد ہلاک اور 32 زخمی ہو گئے ہیں۔ زلزلے کی شدت اتنی زیادہ تھی کہ سینکڑوں مکانات گر گئے اور کئی علاقوں میں بڑے پیمانے پر نقصان ہوا ہے۔
متاثرہ علاقوں میں امدادی کارروائیاں جاری ہیں اور امدادی ٹیمیں ملبے تلے دبے افراد کی تلاش میں مصروف ہیں۔ مقامی حکام کے مطابق متاثرین کو عارضی رہائش اور بنیادی ضروریات کی فراہمی کے لیے ہنگامی انتظامات کیے گئے ہیں۔
زلزلے کے بعد کے جھٹکوں کے پیش نظر حکام نے متاثرہ علاقوں کے رہائشیوں کو احتیاط برتنے کی ہدایت کی ہے اور کمزور عمارتوں میں داخل ہونے سے منع کیا گیا ہے۔ دور دراز اور پہاڑی علاقوں میں نقصان کا اندازہ لگانے کے لیے اضافی ٹیمیں روانہ کی گئی ہیں۔
تبت میں اس سے قبل بھی متعدد بار شدید زلزلے آ چکے ہیں اور یہ علاقہ زلزلے کی لحاظ سے حساس سمجھا جاتا ہے۔ بین الاقوامی امدادی ادارے صورتحال پر نظر رکھے ہوئے ہیں۔
No comments:
Post a Comment